ކޮރަޕްޝަން ހުއްޓުވުމުގެ ބިލް ބޮޑު އަޣުލަބިއްޔަތަކުން ފާސްކޮށްފި

ކޮރަޕްޝަން ހުއްޓުވުމުގެ ޤާނޫނަށް އިޞްލާޙު ގެނައުމުގެ ބިލް ރައްޔިތުންގެ މަޖިލީހުން މިއަދު ފާސްކޮށްފިއެވެ. ބިލް ފާސްވީ ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާޤުންނެވެ.

މި ބިލުގެ ދަށުން އެންޓި-ކޮރަޕްޝަން ކޮމިޝަނަށް ތަޙްޤީޤީ އިތުރު ބާރުތަކެއް ލިބޭނެއެވެ. އަދި މާލީ ބަޔާން ހުށަނާޅާ ފަރާތްތަކަށް ދެވޭ އަދަބުތައް ވަނީ ހަރުކަށިކޮށްފައެވެ.

ބިލް ތަޞްދީޤުކުރެއްވުމަށް މިހާރު ވަނީ ރައީސުލްޖުމްހޫރިއްޔާގެ އޮފީހަށް ފޮނުވާފައެވެ.