ހައުސިން މިނިސްޓަރު ކޮމިޓީއަށް ހާޒިރުކުރަން ފާސްކޮށްފި

ބޯހިޔާވަހިކަމުގެ މަޝްރޫޢުތަކާ ގުޅޭ މަޢުލޫމާތު ހޯދުމަށް ހައުސިން މިނިސްޓަރު ކޮމިޓީއަށް ހާޒިރުކުރަން ރައްޔިތުންގެ މަޖިލީހުގެ ޤައުމީ ތަރައްޤީގެ ކޮމިޓީން ފާސްކޮށްފިއެވެ.

ކޮމިޓީގެ މުޤައްރިރު ވިދާޅުވީ މެންބަރުންގެ އެންމެ ބޮޑު ކަންބޮޑުވުމަކީ ބައެއް މަޝްރޫޢުތައް ލަސްވަމުން ދިއުން ކަމަށެވެ. މިނިސްޓަރު ހާޒިރުވެވަޑައިގަތުމަށް ހަމަޖެހިފައިވަނީ އަންނަ ހަފުތާގެ އަންގާރަ ދުވަހުއެވެ.

މިނިސްޓްރީން ބުނީ ކޮމިޓީއަށް ފުރިހަމައަށް އެއްބާރުލުން ދޭނެ ކަމަށެވެ.